Hili ni toleo la bure kwa kila msomaji. Zikiwa zimesalia siku 99 tu kabla ya uchaguzi mkuu unaotarajiwa kufanyika Jumapili ya mwisho ya mwezi Oktoba mwaka huu, jarida hili la ujasusi linakuletea ‘COUNTDOWN’ itakayoambana na mahojiano na wagombea na/au wadau wengine wa siasa za Tanzania, tathmini/uchambuzi kila wiki au kila linapojiri tukio muhimu, kura za maoni, ubashiri kuhusu nafasi ya urais na nafasi za ubunge kwa “vyama muhimu” (CCM, Chadema na ACT-Wazalendo, na kidogo NCCR-Mageuzi).
Napenda kutumia fursa hii kuwajibu wanaolalamika kuhusu jarida hili kutokuwa la bure. Lengo si kutengeneza faida (japo si dhambi kufanya hivyo) au kuwanyima fursa wasio na uwezo kifedha. Lengo la kufanya jarida hili kuwa la kulipia ni kuhakikisha kuwa jitihada kubwa zinazofanywa katika maandalizi ya kila chapisho haziishii kupotea bure kutokana na ukweli kuwa Watanzania wengi hupenda kujisajili kutumiwa machapisho kisha hupuuza kuyasoma wanapotumiwa. Lakini kama ambavyo huwezi kununua gazeti kisha usilisome, ndivyo inavyotarajiwa kuwa ukinunua jarida hili hutopuuza baruapepe yenye toleo husika.
Bei ya jarida ni Tshs 11,500/= tu kwa mwezi (USD5), na japo ni jarida la kila wiki, linaweza kuchapishwa mara kadhaa katika wiki husika kulingana na mazingira (kwa mfano kunapojiri tukio muhimu). Unaweza kufanya malipo hapa kwenye jarida (link ipo chini ya picha ifuatayo)
Kwanini ujiunge na jarida hili
Jarida La Ujasusi - Jarida La Ujasusi…
Waweza pia kulipia hapa kwenye “Duka La Chahali”
Malipo kwa ajili ya matoleo ya mwezi mzima ya jarida la Ujasusi
Zimebaki Siku 99 Kabla Ya Uchaguzi Mkuu
Zikiwa zimesalia siku 99 tu kabla ya uchaguzi mkuu unaotarajiwa kufanyika Jumapili ya mwisho ya mwezi Oktoba mwaka huu, jarida hili la ujasusi linakuletea ‘COUNTDOWN’ itakayoambana na mahojiano na wagombea na/au wadau wengine wa siasa za Tanzania, tathmini/uchambuzi kila wiki au kila linapojiri tukio muhimu, kura za maoni, ubashiri kuhusu nafasi ya urais na nafasi za ubunge kwa “vyama muhimu” (CCM, Chadema na ACT-Wazalendo, na kidogo NCCR-Mageuzi).
Katika toleo hili la uznduzi rasmi wa “countadown,” msomaji unapatiwa picha ya jumla ya hali ilivyo kwa “vyama muhimu.”
CCM
Kwenye kuwania nafasi ya urais, chama hiki tawala kimeshamaliza mchakato wake ambapo mgombea wake katika uchaguzi mkuu wa mwaka 2015, Rais wa sasa John Magufuli amepitishwa tena kuwania nafasi hiyo. Pia Magufuli amemteua Makamu wa Rais, Mama Samia kuwa tena mgombea mwenza wake.
Kwa upande wa Zanzibar, chama hicho tawala ambacho hakijawahi kuonja ladha ya kuwa chama cha upinzani, kimemsimamisha mtoto wa Rais wa Awamu ya Pili, Ali Hassan Mwinyi, Dokta Hussein Mwinyi kuwa mgombea wa nafasi hiyo.
Kwa tathmini ya jumla, huu ni uchaguzi ambao kwa laiti CCM ingekuwa mtu, tungesema kwa kimombo “it is his/hers to lose.” Maana yake ni kwamba mazingira yote yanakiweka chama hicho katika nafasi ya juu kushinda kwa kishindo, na kitu pekee cha kukifanya chama hicho kianguke kwenye uchaguzi huo ni makosa yake chenyewe na si nguvu ya wapinzani wake. Hapo nimefafanua tu maana ya msemo “his/hers to lose.”
Kwenye nafasi ya Urais wa Muungano, japo “kwa jicho la kawaida,” nafasi za Magufuli na Dkt Mwinyi zaonekana kama “ theirs to lose,” ukweli ni kwamba wote wawili wanakabiliwa na kile kwenye chambuzi za kiintelijensia kinaitwa “what if factor.” Nilitanabaisha hili kwenye uchambuzi huu kuhusu Membe
Jarida La Ujasusi - Aina kuu tatu za mbinu za kimuundo za uchambuzi (structured analytic techniques)zinatumika kutahmini suala zima la kada maarufu wa CCM Bern
Kwa upande wa ubunge, ni vurugu mechi. Mazingira yaliyopo yanaufanya kampeni za kuwania ubunge na udiwani zitawaliwe na rushwa. Hata hivyo, kwa taarifa za kijasusi zilizopo, wagombea wote watakaosimama kuwania nafasi za ubunge na udiwani “wameshachaguliwa” na Magufuli. Na kauli yake kuwa “hana mgombea” ni porojo tu.
Si kweli Mheshimiwa @MagufuliJP maana mwanao Bashite umemtuma kugombea kama back-up plan ya urais wako. https://t.co/tfmF95xFQu
CHADEMA
Hadi muda huu, wagombea “muhimu” wa nafasi ya urais ni Tundu Lissu na Lazaro Nyalandu. Kwa jicho la kijasusi, ugombea wa Mwenyekiti Freeman Mbowe umelenga kumnyima nafasi Lissu na “kumbeba” Nyalandu. Na bado ubashiri wangu ni kwamba Nyalandu ndiye atakuwa mgombea wa kiti cha Urais kwa tiketi ya Chadema.
Uwezekano wa Nyalandu kushinda urais endapo atapitishwa ni suala ninalolihifadhi hadi hapo itakapotangazwa rasmi kuwa ndiye mgombea wa nafasi hiyo.
Ieleweke kwamba si kwamba Lissu hafai au hatashili kuwa mgombea bali jicho la kijasusi linamuona mwanasiasa huyo kama “outsider” (tuseme “aliyetengwa” au pengine hata “aliyetelekezwa”). Kuwa kwake nje ya nchi kwa takriba miaka miwili sasa kumemfanya awe kama mgeni kwenye siasa za Tanzania na hususan za chama hicho.
Lakini pengine kingine kinachomfanya Lissu awe kama “ametengwa” ni namna anavyoendesha siasa zake, ambapo “hajichanganyi na watu wa kawaida” tofauti na mtu kama Nyalandu ambaye ukipitia akaunti zake za mitandao ya kijamii hutoshindwa kubaini kuwa anajitahidi kujiweka karibu na watu japo kidogo.
Japo mgombea urais wa Chadema hatochaguliwa kutokana na “ukaribu wake kwa watu wa kawaida,” ukaribu huo utamsaidia mgombea (atakayechaguliwa) kwenye kampeni zake, kwani ni rahisi kumnadi mtu ambaye angalau alishawahi kujibu twiti yako au anayejichanganya na watu mbalimbali.
Nafasi ya Chadema kwenye ubunge na udiwani ni mbaya. Na huenda hata wao wenyewe wanafahamu kuhusu hilo. Lengo la Magufuli ni kuhakikisha Chadema haipati mbunge hata mmoja. Anaamini kuwa kwa kufanya hivyo, Chadema itadhoofika na hatimaye “kujifia” yenyewe. Hapana, kifo cha chama hakimaanishi kukimbiwa na kila mtu bali mara nyingi humaanisha chama husika kuishiwa na mvuto/ushawishi na kutokuwa muhimu kwenye masuala muhimu ya kitaifa. Kama ilivyo CUF ya Lipumba, au NCCR-Mageuzi ya Mbatia au TLP ya Mrema au UDP ya Cheyo.
Kasoro ya Chadema katika kukabiliana na tishio hilo, ambalo kwa kimombo wanasema “existential threat” yaani linalotishia uhai, ni kum-underestimate Magufuli. Kwamba yote aliyofanya dhidi yao tangu alipoingia mdarakani hayakifanyi chama hicho kuamini kuwa anaweza “kukiua.” Chama hicho hakijashtushwa na kusumbuliwa na jitihada kubwa za Magufuli kukuhujumu kwa “kununua wabunge na madiwani” kadhaa, ambapo lugha ya kujifariji imekuwa “acha waondoke.”
Tatizo kwa Chadema halipo kwa “mapandikizi” wanaoondoka bali waliosalia ndani ya chama hicho. Kijinyoka kidogo kilichojificha ndani ya nyumba ni hatari zaidi kuliko joka kubwa lililokimbilia porini.
Katika chambuzi zijazo, jarida hili litafanya ubashiri (projections) za uhakika zaidi kuhusu nafasi ya chama hicho kwenye majimbo mbalimbali.
ACT-WAZALENDO
Ni wazi kuwa mgombea wa nafasi ya urais wa Muungano kwa tiketi ya chama hicho ni Membe. Hilo halina mjadala. Na tayari mgombea wa urais wa Zanzibar anafahamika kuwa ni Maalim Seif Sharif Hamad.
Kwa upande wa Maalim Seif, uchaguzi huu, kama nyingine zilizotangulia, ni “his to lose.” Ana kila nafasi ya kumwangusha Dkt Mwinyi, hasa kwa vile kuna manung'uniko ya chinichini kuhusu “uzanzibari” wa mgombea huyo wa CCM.
Kadhalika, kwa kumsimamisha “mtoto wa Rais wa zamani,” CCM imemsaidia Maalim Seif kwa namna tatu. Kwanza, hoja yao kuwa “Maalim Seif ni mroho wa madaraka aliyegeuka kuwa mgombea urais wa kudumu” inaweza kuwa pre-empted na hoja kama “ bora uchu wa mtu mmoja anayeaminiwa wa wanachama wa chama chake kuliko uchu wa koo za watawala zinazobebwa na Watanganyika.”
Maana yake hapo ni kwamba ukoo wa Karume ulizalisha marais wawili kama inavyotaka kuwa kwa ukoo wa Mwinyi.
Pili, ni hoja hiyo ya urais wa Zanzibar kugeuzwa na CCM kuwa kwa ajili ya koo flani tu. Hoja hii pia yaweza kukabili hoja iliyozoeleka huko Zanzibar dhidi ya Wapemba kuwa “wanataka kurejesha usultani” kwa kujenga hoja pinzani kwamba “hata kilichofanywa na akina Karume na sasa kinajaribu kurudiwa na akina Mwinyi ni usultani pia wa kurithishana urais.”
Kwa upande wa urais wa Muungano, nafasi ya Membe imejadiliwa kwa kirefu katika uchambuzi huu hapa chini ambao ni endelevu, kwa maana kwamba unasubiri Chadema kumpitisha mgombea wake.
Jarida La Ujasusi - Aina kuu tatu za mbinu za kimuundo za uchambuzi (structured analytic techniques)zinatumika kutahmini suala zima la kada maarufu wa CCM Bern
Hata hivyo, kwa minajili ya mada hii, Membe pia anaweza kuufanya uchaguzi huu kuwa “his to lose” kwa kuzingatia mazingira yake mwenyewe binafsi, ya ACT-Wazalendo na Chadema na CCM.
"Kwamba Membe ni "asset" au "liability" itategemea
👉 ufanisi wa ACT-Wazalendo
👉 ufanisi wa "upinzani halisi" (ACT +CDM)
👉 ufanisi wa "upinzani halisi" + "maadui wa Magufuli CCM na serikalini."
👉 ufanisi wa ujasusi wake
https://t.co/N6haYLfJpH
Kwenye ubunge, wakati mtihani mkubwa kwa chama hicho ni kuhakikisha Zitto anaendelea kuwa mbunge huko Kigoma (huku CCM wakipigana kufa na kupona kumng'oa), chama hicho kina uhakika wa kuvuna wabunge kadhaa kutoka Zanzibar katika zilizokuwa ngome za CUF kabla ya mfarakano uliopelekea maelfu ya viongozi wa chama hicho, ikiwa ni pamoja na Maalim Seif, kuhamia ACT-Wazalendo.
NCCR-MAGEUZI, CUF na TLP
Wakati TLP ya Mrema ilishajitanabaisha kitambo kuwa ni tawi la CCM, vyama vya NCCR-Mageuzi na CUF ya Lipumba navyo vimeamua kuingia kwenye mkumbo huo.
Taarifa za kiintelijensia zinaonyesha kuwa kuna makubaliano kati ya Magufuli na Mbatia “kumwachia majimbo kadhaa” kwa minajili ya kukifanya chama hicho na CUF kuwa “upinzani mpya” badala ya Chadema na ACT-Wazalendo. Kadhalika, Mbatia ameahidiwa kusaidiwa kusimamisha wagombea kwenye majimbo kadhaa.
CUF nayo inatarajiwa kunufaika kwa kusaidiwa kusimamisha wagombea kadhaa ilhali Lipumba ameahidiwa kuteuliwa kwenye “ubunge wa wateuliwa wa Rais.”
Kwa upande wa TLP ya Mrema, “asante” kwake kwa kumuunga mkono Magufuli ni kuendelea kuwa mteuliwa wa Rais.
#HABARI Rais Magufuli amteua Augustino Mrema kuwa Mwenyekiti wa Bodi ya Parole. Soma:- https://t.co/fEi1dS1k4K https://t.co/0As2VKfnbk
NCCR ya Mbatia na CUF ya Lipumba pia wana jukumu muhimu la “kuhalalisha matokeo ya uchaguzi huo” ambapo endapo Chadema na ACT-Wazalendo watalalamikia matokeo, vyama hivyo vitajitokeza kuwa “uthibitisho kwamba uchaguzi huo ulikuwa wa huru na wa haki.”
Hata hivyo, jicho la kishushushu linaona dalili za “vilio na kusaga meno” kwa baadhi ya wanasiasa walioikimbia Chadema na kuhamia NCCR-Mageuzi au CUF, hasa kwa sababu CCM imeelemewa na lundo la wagombea. Japo mwenye kauli ya mwisho ni Magufuli, itamuwia vigumu kupuuza maamuzi yote dhidi ya “wahamiaji ndani ya chama hicho” na hao wa NCCR-Mageuzi na CUF “wanaosubiri kubebwa.” Kinachoongeza uzito kwenye suala hili ni ukweli kwamba Magufuli ana historia ya kuwageuka watu waliomsaidia. Mfano bora zaidi ni kilichomkumba Mkurugenzi wa zamani wa Idara ya Usalama wa Taifa, Dkt Modestus Kipilimba, ambaye alitimuliwa kazi licha ya kuwa alimsaidia Magufuli kushinda uchaguzi mkuu wa mwaka 2015.
Kipilimba ndiye aliyefanya dark arts pale Tume ya Uchaguzi na kumwezesha Jiwe kumbwaga Lowassa. No wonder when alipomwambia Jiwe "usipomtoa poti wako Makungu naondoka," Jiwe akasalimu amri. Yu wapi Kipilimba muda huu? Let that sink in for those of you who sold your soul to Jiwe https://t.co/FI74edCWYp
Nimalizie kwa kukukaribisha kwenye countdown hii kuelekea uchaguzi mkuu hapo Oktoba mwaka huu.
Jumapili njema!
MATANGAZO
Huduma za usadi wa siasa (political consulting)
Huduma maalum kwa vyama vya siasa, wagombea, timu za kampeni, nk
Malipo kwa ajili ya matoleo ya mwezi mzima ya jarida la Ujasusi
Duka la mtandaoni la vitabu vya kielektroniki vya Evarist Chahali
Don’t miss out on the other issues by Evarist Chahali
Become a member for $5 per month
You can manage your subscription here.
If you don't want these updates anymore, please unsubscribe here.
If you were forwarded this newsletter and you like it, you can subscribe here.
Created with Revue by Twitter.